पूर्वराजाको चहलपहल र विशेष दिवसहरु

ज्ञानेन्द्रले उनको जन्मदिनमा दिएको विज्ञप्ती या अन्तर्वार्ता र अस्ति भर्खर धान दिवसमा प्रधानमन्त्री झलनाथ खनालले रोपाई गरेको कुरामा केही फरक छैन । झलनाथले धान रोपे न उनलाई त्यो धान फलेर केही गर्छु भन्ने छ, न उनले त्यो धानबाट खेतमुलीले आम्दानी गर्नसक्छ भन्ने विश्वास नै । प्रधानमन्त्री हुन्, दिवसमा बोलाए, के गर्ने सोधे, अनि धान रोपीदिए । बस् कुरा सकियो । त्यति हो, ज्ञानेन्द्रले उनको जन्मदिनमा गरेका कुराहरुको अर्थ पनि । त्यसमा विशेष अन्य कुरा केही छ भने मात्र सत्ताच्यूत हुनुको छटपटी । 

पहिलो कुरा हामी निकै दिवसहरु मनाउँछौ । वातावरण दिवस, मानवअधिकार दिवस, कानुन दिवस, शिक्षा दिवस अनि बर्षदिन भरि आईरहने यस्तै धेरै राष्ट्रिय तथा अन्तराष्ट्रिय दिवसहरु । कतिपय दिवसहरु हाम्रा कानसम्म आईपुग्दैनन् । तर कतिपय दिवसले भने मिडियामा यति धेरै चर्चा पाउँछन् कि हामीलाई त्यो दिवस कुनै बिशेष पर्व जस्तो लाग्न पुग्छ । यस्ता दिवसहरुको लगभग समान किसिमका कार्यक्रमहरु हुन्छन् । केही मानिसहरु पर्चा तथा ब्यानर बोकेर शहरका सडक सडकमा हिड्छन् । केही मानिसहरु पत्रकार तानिने कार्यक्रम गर्छन् । कसैले नेता तथा मन्त्री बोलाउँछन् र छापा तथा अन्य मिडियामा फलाना नेता या फलाना मन्त्रीले यो बोले भनेर मुख्य समाचार बन्छन् र समाचारको अन्त्यमा थोरै कार्यक्रमको बारेमा समाचार बन्छ । कार्यक्रम सफल भएको निष्कर्षमा पुगिन्छ ।




तर हामी सबैलाई थाहा छ अनि त्यस्ता एकदिने तथा साप्ताहिक कार्यक्रम गर्ने आयोजक तथा प्रायोजकलाई पनि थाहा हुन्छ, एकदिने कार्यक्रमले केही लछारपाटो लाग्दैन भनेर । आकाश भन्दा माथि पुग्ने कार्ययोजना भोलीपल्ट नै धर्तीमा कहाँ बिलाउँछन् तिनीहरुको अत्तोपत्तो हुँदैन । यो यस्ता राष्ट्रिय तथा अन्तराष्ट्रिय दिवसहरुको नियती हो । र, केही हदसम्म तिनै दिवसलाई भजाएर कमाउँन पल्केकाहरुको नियत ।

वास्तवमा यो विषय उठान हिजो र  आज सम्भववतः भोली र पर्सी पनि देखिएका, देखिइरहेका तथा देखिन सक्ने समाचार तथा रिपोर्टका लागि हो । हामी धेरैले हिजो र कतिपयले आज थाहा पाइयो, हिजो जनताको शक्ति र सकारात्मक विचारले फालिएका ज्ञानेन्द्रको जन्मदिन रहेछ । ज्ञानेन्द्रले आफ्नो जन्मदिनमा यो भने वा त्यो भने । यीनको कुराको यो वा त्यो अर्थ लाग्छ भनेर रिपोर्टहरु आउँन थालेका छन् ।

यी सबै क्रियाकलाप, समाचार तथा रिपोर्टहरुको तुलना गर्ने हो भने यो ठ्याक्कै दिवस मनाएको क्रियाकलापसँग मिल्दछ । फरक यति हो, अन्य दिवसमा नेता, मन्त्री तथा विज्ञहरु बोलेको प्रचार हुन्थ्यो आज ज्ञानेन्द्र बोलेको प्रचार भइरहेछ ।



ज्ञानेन्द्र फालिएकै भएपनि कुनै समय शासन चलाएका मानिस हुन् । मानिसहरुको तथा मिडियाको नजरमा आफ्नो अस्तित्वको सूचना दिनु उनको सौख हुन सक्छ । यसैले मौका पाए । पत्रकार तथा आसेपासे भेला गरे अनि कुनै मन्त्री तथा नेताले दिवसका अवसरमा भाषण गरे झै गफ दिए । यसमा ठुलो कुरा भएकै केही छैन ।

ज्ञानेन्द्रले उनको जन्मदिनमा दिएको विज्ञप्ती या अन्तर्वार्ता र अस्ति भर्खर धान दिवसमा प्रधानमन्त्री झलनाथ खनालले रोपाई गरेको कुरामा केही फरक छैन । झलनाथले धान रोपे न उनलाई त्यो धान फलेर केही गर्छु भन्ने छ, न उनले त्यो धानबाट खेतमुलीले आम्दानी गर्नसक्छ भन्ने विश्वास नै । प्रधानमन्त्री हुन्, दिवसमा बोलाए, के गर्ने सोधे, अनि धान रोपीदिए । बस् कुरा सकियो । त्यति हो, ज्ञानेन्द्रले उनको जन्मदिनमा गरेका कुराहरुको अर्थ पनि । त्यसमा विशेष अन्य कुरा केही छ भने मात्र सत्ताच्यूत हुनुको छटपटी । 

यसैले बिग्रिएका नेतालाई सपार्न ज्ञानेन्द्र चाहिदैन । इतिहास अगाडी बढिसक्यो अब पछाडी फर्कनु भनेको ज्ञानेन्द्रको सत्ताच्यूत देखिको अवधिको आफ्नो आयू बेहोस भएर खेर फाल्नु जस्तै हो । ज्ञानेन्द्र कसैको आवेगमा फालिएका थिएनन् । जनताको एकता, जनताले आफ्नो सार्वभौम अधिकार पाउँनका लागि गरेको आन्दोलनको परिणामले उनी फालिएका थिए । अब दलको विकल्प ज्ञानेन्द्र कदापि हुन सक्दैनन् । दलको विकल्प दलहरु नै हुन्छन् । यो सबैलाई चेतना होस् । ज्ञानेन्द्रले यो बुझे भने उृनको पनि रक्तचाप बढ्ने छैन ।