दलालीको हद नाघेर पैसा र पदका लागि जे पनि गर्न तयार विजय कुमार गच्छेदार अन्य दुइ मधेसी नेता महन्थ ठाकुर र राजेन्द्र महतो आज भारतिय नेतासँग छलफल गर्न भन्दै भारत तिर लागेका छन् । नेपालमा वाम ध्रुविकरणले लोकतान्त्रिक शक्ति कमजोर भएको भन्दै भारतसँग छलफल गरेर भावी कार्यनिती तय गर्न भारत लागेको भनेका छन् उनीहरुले । नेपालमा भएको सानो परिवर्तनमा पनि भारतसँग छलफल गर्नु पर्ने भन्ने यीनीहरुको बोलीले यीनीहरुको राजनीतिक औकात त देखाउँछ नै, नेपालको अहिलेको सरकारको स्थायीत्व चाहिने कुरालाई पनि बलप्रदान गर्छ ।
कति गर्दा पनि माओवादीको समर्थनमा बन्ने सरकार रोक्न नसकेको भारत अहिले नेपालमा आफ्नो हारको बदला सरकार ढालेर लिने सोचमा छ । तराईमा आन्दोलन चर्काएर हुन्छ या अन्य कुनै पनि उपायद्धारा उ माओवादीलाई गलाउँन चाहन्छ । यसैले मधेसमा शसस्त्र आन्दोलनरत समुह र मधेसी दलहरुको साझा कार्यक्रम ल्याउँने तयारीमा लागेको छ भारत । मधेसवादी दलहरुका नेताको भ्रमण यसै बिषयसँग सम्बन्धित छ । भ्रमणबाट फर्किए लगत्तै कुनै विवाद झिकेर मधेसमा ठुलै आन्दोलन भयो भने पनि अचम्म नमाने हुन्छ ।
जानेर पनि कति सहने हामीले ? के हामी अझै यी नेताहरुलाई हाम्रा नेता भनिरहन बाध्य छौ ? मधेस मुक्तिका ठुला ठुला भाषण गर्ने यी नेताहरुले गर्ने मधेसको मुक्ति कस्तो होला ? लेन्डुप दोर्जेले दिलाएको मुक्ति जस्तो ? प्रश्न आफैलाई सोधौ ।
0 comments:
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।