आजको खेलमा मैले जित मात्र देखिन

एसीसी ट्वान्टी ट्वान्टी क्रिकेट अन्तर्गत भएको आजको खेलमा नेपालले चिरप्रतिद्धन्द्धी हङकङमाथि २ विकेटको रोमान्चक जित हात पारेको छ । टस जितेर पहिले व्याटिङ गरेको हङकङले ९ विकेटको क्षतिमा एक सय १४ रन वनाएको थियो । जसलाई नेपालले अन्तिम बल भन्दा दुई बल अगाडी बराबरी गर्‍यो । अन्तिम बलमा राहुल विकको एक रनको मद्दतले नेपालले खेल आफ्नो हातमा पार्न सफल भयो ।

यो जितले नेपालको खेलको तथ्याकंमा एउटा जित थपिदियो । तर मैले यो खेलमा त्यती मात्र देखिन । मैले यस्तो देखेँ ।

देशको जितमा हराईरहेका युवाहरु देखेँ । राजनीतिक, जातिय तथा वर्गिय जस्ता विभिन्न बहानामा बाँडिएका युवाहरुलाई खेलले जोडेको देखें । कसैलाई केहीको वास्ता थिएन, मात्र देशको जितमा रमाउँने चाहना । सबैको एउटै आवाज मात्र नेपाल, नेपाल । साँच्चै, खेल खेलमात्र हुँदैन रहेछ । खेलले राष्ट्रियता पनि जोड्दोरहेछ ।

सबै फोटो : गणेश