नेपालको जित अब गणितमा मात्र सिमित

झण्डा हल्लाउँने मौकै पाइएन । फोटो सुफल काफ्ले

सामान्यतया, एक रोपनी बाँझो खेत एक हल गोरुले एक घण्टामा जोत्न सक्छ । यसमा गणितिय ऐकिक नियम लगाउँने हो भने एक रोपनी खेत एक मिनेटमा पनि जोत्न सकिन्छ, जसका लागि साठी हल गोरुको आवश्यकता पर्दछ । तर के साठी हल गोरु एक रोपनी खेतमा अँटेर जोत्न सक्लान् त ? नेपालको विश्वकप यात्रा यस्तै मोडमा आइपुगेको छ ।


जोर्डनसँगको खेल हुनुपुर्व बेलायती प्रशिक्षक ग्राहम रोबर्टले खेलाडी र दर्शकको मनोबल उच्च राख्न जति नै कडा प्रतिक्रिया दिए पनि सबै पानीमा गएको छ । नेपाल खेल अन्त्यको सिठी बज्नु अगाडीसम्ममा नौ गोल खान पुग्यो र खातामा एक गोल गर्न पाएन । यसैले विश्वकप यात्रामा पुनः सहभागी हुन नेपालले जोर्डनलाई शुन्यमा राखी दश गोल गर्नुपर्ने हुन्छ । जुन माथिको ऐकिक नियम सरह छ ।
नेपाल र जोर्डनको खेलको भिडियो हेर्नुहोस्


खेलमा हारजित त हुन्छ नै । तर नेपालको यो हार, नेपालको फुटबलमा भएका कमजोरीहरुको पाठ हो । यसलाई मन नलागेपनि सबैले पढ्नै पर्छ । खास गरि खेललाई राजनीतिमा मुछ्नेहरु र खेलको नाममा लाखौ पैसा चलाउँनेहरुले जवाफ दिने बेला भएको हो । तर नैतिकताको खडेरी भएको यो देशमा त्यो पनि दिवास्वप्न नै हुनेछ ।

To view other video click here