यसो रामरमाइलो नि !

गाउँघर तिर जाडोको समयमा खुल्ला आँगनमा गुन्द्री ओछ्याएर तास फिटिरहेका हुन्छन् । कसैले के हो यस्तो आँगन मै, भनेर सोध्यो भने जवाफ आउँछ, यसो रामरमाइलो नि ।

दाजुसँग रिसाएर भाउजु माइत गईन् । दाईले भोलीपल्टै फकाएर ल्याए । बाटामा एकाएकलाई हेर्दै मुस्कुराउँदै घर फर्केको देखेर काकाले भने यीनीहरुको झगडालाई के झगडा भन्नु, यसो रामरमाइलो गरेका होलान् ।

यस्तै धेरै सन्दर्भमा प्रयोग हुन्छ, रामरमाइलो शब्द । अर्थ नै खोज्ने हो भने अंग्रेजीमा भनिने टाइमपास शब्दसँग रामरमाइलोको निकटसम्बन्ध मान्न सकिएला । अहिले हाम्रो सरकारमा मात्र होइन, प्राय जसो सबै क्षेत्रमा रामरमाइलो देखिन्छ । केही प्रतिनिधी घटना र पात्र यहाँ उल्लेख गरेको छु




घटना र पात्र १ : सरकारको पुर्नगठन
पार्टीभित्रको वैचारिक संघर्ष भनेर प्रचार गरिए पनि माओवादीले पदिय भागबन्डमा लगेर संघर्ष विसर्जन ग¥यो । भागबन्डा मिलाउँन सरकारको पुनर्गठन गर्ने भनियो । पुराना मन्त्री फिर्ता आउँने र नयाँ तिनका ठाउँमा जाने । तर अड्को थाप्यो कांग्रेस र प्रधानमन्त्रीका पार्टीप्रतिपक्षी ओलीनेपाल समूहले । त्यसैपनि दह्रो खुट्टा नटेक्ने भनेर नाम चलेका झलनाथको खुट्टा लगलग काम्न थाल्यो । उनले पुनर्गठन नगर्ने भन्दिए । छाड्ने नै भनेका मन्त्रीहरुलको राजिनामा प्रचण्डले ठोकिदिए ।

अन्त्यमा कुरा मिल्यो, झलनाथले सरकार गठन र पुनर्गठन त प्रधानमन्त्रीको बिशेष अधिकार हो भन्दै पुनर्गठन गर्ने वचन सार्वजनिक गरे । यदि यसै गर्नु थियो भने बेकारको लफडा किन गरिरको ? अस्ति नै गरेको भएपनि हुन्थ्यो । त्यसैले यसलाई वर्तमान समयको पहिलो नम्बरको रामरमाइलो मान्नु पर्ला । होइन भने झलनाथलाई सोध्नुहोस्, उनले पनि भन्लान्, यसो रामरमाइलो गरेको नि ।

घटना र पात्र २ 
यसो रामरमाइलोको अर्को बिशिष्ट घटना र पात्र २ मा हिजोको संसद अवरुद्ध गर्ने कार्यलाई लिएको छु । बजेट सुरु हुनु अघि नै सार्वजनिक भयो भनेर बजेट भाषण हुँदा हुँदा कांग्रेसले गलफत्ती ग¥यो । उसलाई चुप लगाउँन छानविन समिति बनाइयो, त्यसका संयोजक रहे कांग्रेसका मुख्य सचेतक लक्ष्मण प्रसाद घिमिरे । उनले हिजो संसदमा प्रतिवेदन पेस गर्नु पर्ने थियो । तर उनीसँग प्रतिवेदन पुरा थिएन कि किन, प्रधानमन्त्रीको राजिनामा माग्दै उनकै नेतृत्वमा हिजोको संसद अवरुद्ध भयो ।

सामान्य भाषामा भन्दा कांग्रेसका लक्ष्मणप्रसाद घिमिरेले आफैलाई अवरुद्ध पारे आफैले । अवरुद्ध गर्नु नै थियो, भनेका बेला प्रतिवेदन सार्वजनिक गर्नु थिएन भने बजेट भाषणका बेला किन गलफत्ती गर्नु ? यो पनि यसो रामरमाइलो भने जस्तो भएन र ?



घटना र पात्र ३ : तलब हजारको धरौटी करोडको
यो शिर्षक पढ्दै यसका पात्रहरुले कतिसम्म रामरमाइलो गरेका होलान् भनेर अनुमान लगाउँन सकिन्छ । सन्दर्भ हो सुडान घोटालाको । अभियुक्तहरु प्राय सबै उच्च तहका । त्यै पनि तलब त हजारमा नै खान्थे । जब भ्रष्टाचारमा आरोपित भए र अदालतले जरिवाना तोक्यो, सबै करोडको धरौटी तिर्दै बाहिरिन थाले । यसो बुझ्दा यीनीहरुको पद र जागिर त यसो रामरमाइलो मात्र रहेछ । होइन भने करौडोको मालिकहरु के हजारको जागिरमा यत्रो बर्ष अल्मलिएका ? अझ यसै काण्डका ठेकेदार भारती भन्ने आरोपीले त जेल बसाईलाई नै रामरमाइलो बनाइदिए । जेल गएका रे पहिलोपल्ट ससुराली गएजस्तो मुस्कुराउँदै । अचम्म छ बा ।