साँचो नेपाली मनको पुरस्कार
सन् १९३७ मा बनाइएको रुथकै मुहारचित्र गत महिना १० लाख डलरमा बिकेको थियो। आफूले आफ्ना मालिकहरूसँग स्थापित गरेको दरिलो सम्बन्धका कारण सम्पत्ति पाएकोमा तामाङलाई आश्चर्य भने लागेको छैन। उनल भने, ‘यो मेरो लागि दोस्रो परिवारजस्तै हो र उहा”हरूले पनि मलाई परिवारकै हिस्सा ठान्नुभएको थियो।’
तर, सम्पत्तिसँगसँगै तामाङमाथि लाखौं डलरको करको जिम्मेवारी पनि सरेको छ। त्यसैले उनले दुईमध्ये एक भवनलाई बिक्री गर्ने सोच बनाइसकेका छन् र उनले अपेक्षा गरेको मूल्य हो, ४५ लाख डलर। तामाङ अहिले क्विन्सको छुट्टै घरमा १० वर्षीया छोरी र पत्नीसँग बस्छन्। ‘जहाँ तिम्रो छाना, खाना र नाना छ, त्यहीँ खुसी हुनुपर्छ,’ तामाङले भने। तामाङ नेपालका एक किसान परिवारबाट २२ वर्षको उमेरमा अमेरिकामा प्रवेश गरेका थिए। ‘मैले मेरो बुबाको घर र दुई बच्चालाई घरमा छाडेर अमेरिकामा आई काम गर्न थालेको हुँ,’ उनले सुनाए।
हलिउडमा ५० वर्ष बिताएकी अभिनेत्री रुथ फोर्डको सन् १९४० को दशकमा अभिनेता पिटर भ्यान इकसँग पहिलो बिहे भएको थियो। तर, त्यो सम्बन्ध लामो समय नटिकेपछि उनले अर्का फिल्म कलाकार जाकारी स्कटसँग बिहे गरेकी थिइन्। स्कटको पनि १९६५ मा निधन भएको थियो। रुथले आफ्ना छोरी र नातिनातिना हुँदाहुँदै सबै धनसम्पत्ति तामाङको नाममा सुम्पिएकी हुन्। रुथले पहिलोपटक सन् १९३८ को ‘टुमच जोनसन’ र पछिल्लोपटक १९८५ को ‘टु स्केयर्ड टु स्क्रिम’मा अभिनय गरेकी थिइन्।
0 comments:
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।