आजको एक द्धैनिकमा छापिएको एउटा प्रतिक्रिया हेरौं ।
आफुले भेटाएको ९१ लाख रुपैयाँ फिर्ता गरेर उदाहरणीय काम गर्ने अनुजालाई धेरै धेरै धन्यवाद । मूल्य र मान्यता ह्रास हुँदै गएको कलियुगमा पनि लोभ मोहबाट मुक्त भएका यस्ता ईश्वरीय मान्छेहरु रहेछन् भन्ने जानेर धेरै खुसी लाग्यो । युगलराज भण्डारी, नेपालगञ्ज
अब त्यही द्धैनिकको त्यही पानामा प्रकाशित अर्को प्रतिक्रिया हेरौं ।
पहिले खुसी लागेको थियो कान्छी सभासद गायत्री शाह अनि विश्वास थियो युवाले युवाका लागि धेरै गर्न सक्छन् भनेर । तर आफ्नो हुर्मत आफै लिँदा पनि अफ्ठ्यारो नमान्ने, कौडीका लागि इज्जत बेच्ने सभासदको चर्तिकला देख्दा लाग्यो हामी कस्तो संस्कार भएका मान्छेलाई संविधान बनाउँने जिम्मा दिइरहेका छौ । घिन लाग्छ, देश र जनतालाई लुट्न पल्केकाहरु देख्दा । अब फेरि आफैलाई धिकार्न मन लाग्यो कि हामीले संविधान बनाउँन पठाएका मान्छेहरुको चरित्र कति तलसम्म गिर्न सक्दोरहेछ । पुण्य भण्डारी, काठमाण्डौं
दुई प्रतिनिधी पात्रहरु अनुजा बाँनिया र गायत्री शाहका लागि व्यक्त यी प्रतिक्रियाले समाजमा रहेका असल र खराब पात्रहरुको बारेमा प्रष्ट अन्तर देखाउँन काफी छ । संयोग यस्तो छ कि दुबैजना महिला हुन्, लगभग उही उमेर समूहका । तिनका क्रियाकलाप माथि प्रतिक्रिया जनाउँने दुबै पुरुष हुन् । तर दुई नारीले समाजमा दिएको सन्देशको अन्तर आकाश र जमिन भन्दा विशाल छ । र, यही अन्तरले जन्माउँछ असंख्य प्रश्नहरु । तिनै प्रश्नहरुको जवाफ र तिनीहरुको प्रयोगले दिशानिर्देश गर्न सक्छ सम्पुर्ण समाजलाई । तर कोसँग खोज्ने यस्को जवाफ ?
मानव विकाशक्रममा प्रत्यक्ष असर पार्ने कुरा हो मानवको सोचाई । समाजलाई कुन दिशा तिर लैजाने यसको निर्धारक पनि मानिस नै हो । मानिसको सोचाईलाई असर पार्ने धेरै कुराहरु होलान् । भन्नलाई त भनिन्छ, मानिसमा यति लोभ बढ्नुको मुख्य कारण पुँजीवादी सोचाई नै हो । मानिसहरु जुनसुकै बेला पैसाको पछि दौडिरेका छन् । कति पैसा चाहिने ? त्यो पैसाको आफुलाई कति उपयोगिता रहन्छ ? बाचुञ्जेल खर्च गरेर त सकिन्छ ? यी कुनै प्रश्नको जवाफ कोही चाहदैन । जसरी हुन्छ, सक्दो बढि पैसा आफ्नो बनाउँनुछ । यही धुनमा मानिस गिरेर कहाँबाट कहाँ पुगिसक्यो ? लेखाजोखा कोसँग माग्ने ? कुनै योगीको अन्तर्वातामा मैले पढेको थिएँ, सबै कुरा सन्तोषमा निर्भर छ । सन्तोष मान्न सके दिनमा ७ घरमात्र मागेर पनि खुसीसाथ बाँच्न सकिन्छ । असन्तोषीलाई त संसार भरिका पैसा उसको मात्र पारिदिए पनि खुसी हुदैन । यन्त्रको यो युगमा आत्माको यो आवाज त्यसै बिलाएर जान्छ, र गयो पनि ।
हामी सबै उस्तै छौ । हामीलाई सत्यको परिणामले मात्र असर गर्दैन । हामीलाई सत्यको परिमाण पनि चाहिन्छ । अनुजा भन्छिन्, मैले ठुलो काम केहि गरेको छैन । मलाई अरुको सम्पतीले लोभ उत्पन्न गराउँन सक्दैन । मैले पहिले पनि यस्ता धेरै काम गरिसकेको छु । तर हामीलाई यो घटनाले हामीबिच निकै चर्चा पायो । कारण, परिणाम थिएन । परिमाण हो । हामी लोभी छौ । हामीलाई अझै पनि पत्यार लाग्न गा¥हो भइरहेको छ । कसैले यति धेरै पैसा भेटेर पनि फिर्ता गर्छ ? कुनै पब्लिसिटी स्टण्ड होला ।
धन्य, अनुजा कुनै चिरपरिचित नाम थिएन । कुनै चिरपरिचित नामले यसो गरे हामी कुनै हालतमा पनि यसलाई 'पब्लिसिटी स्टण्ड' भन्दा माथिल्लो कोटीमा राख्न दिने थिएनौं सायद । यसको एक मात्र कारण हो, हाम्रो लोभ । हाम्रो गुमेको नैतिकत । हाम्रो लोभले हामीलाई यो पत्याउँन दिइरहेकै छैन । कतिलाई त लागेको होला, मैले कस्तो नभेटेको । त्यही बसमा यात्रा गरेका अरुलाई कस्तो थुकथुकी लागिरहेको पनि हुन सक्छ । अनि, यस्तो समाजका उत्पादनहरु गायत्री शाह जस्ता नभएर अनुजा जस्ता हुन्छन् त ? अनुजालाई यसैले हामी इश्वरीय भन्छौ । खासमा यो मानविय हो । मानवले नै अर्को मानवलाई पर्ने असर विचार गरेर यति उत्तम कदम उठाउँन सक्छ । आजभोली हामी मानव रहन छोडेका छौ । यसैले कुनै मानवलाई देख्यौं भने हामी इश्वरिय मान्न थाल्छौं । उदाहरणस्वरुप अनुजा हाम्रो अगाडी छिन् ।
धन्य, अनुजा कुनै चिरपरिचित नाम थिएन । कुनै चिरपरिचित नामले यसो गरे हामी कुनै हालतमा पनि यसलाई 'पब्लिसिटी स्टण्ड' भन्दा माथिल्लो कोटीमा राख्न दिने थिएनौं सायद । यसको एक मात्र कारण हो, हाम्रो लोभ । हाम्रो गुमेको नैतिकत । हाम्रो लोभले हामीलाई यो पत्याउँन दिइरहेकै छैन । कतिलाई त लागेको होला, मैले कस्तो नभेटेको । त्यही बसमा यात्रा गरेका अरुलाई कस्तो थुकथुकी लागिरहेको पनि हुन सक्छ । अनि, यस्तो समाजका उत्पादनहरु गायत्री शाह जस्ता नभएर अनुजा जस्ता हुन्छन् त ? अनुजालाई यसैले हामी इश्वरीय भन्छौ । खासमा यो मानविय हो । मानवले नै अर्को मानवलाई पर्ने असर विचार गरेर यति उत्तम कदम उठाउँन सक्छ । आजभोली हामी मानव रहन छोडेका छौ । यसैले कुनै मानवलाई देख्यौं भने हामी इश्वरिय मान्न थाल्छौं । उदाहरणस्वरुप अनुजा हाम्रो अगाडी छिन् ।
4 comments:
there is vast different between anuja baniya and gayatri shah, like aakash and patal.
god blesh anuja
अनुजा बानियाँ देशको शान हुन् भने गायत्री शाह देशको दलाल बन्ने हैसियत राख्ने महिला ।
different..............dherai different.
यस्तो पनि कँही हुन्छ ? ९१ लाख पनि कसैले फिर्ता दिन्छ ? म त पत्याएदिन यार।
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।