राजिनामा नै अन्तिम दण्ड नबनोस्

अन्तत: छानविनमा 'सजिलो बनाउँनका लागि राजिनामा दिएको' भन्दै तिन देशका नागरिक अर्थराज्यमन्त्री ल्हारक्याल लामाले पदबाट राजिनामा दिएका छन् । लामाले तिनदेशबाट नागरिकता त लिएका थिए, थिए । अमेरिका गएकाबेला एक अमेरिकन महिलाको पचास हजार अमेरिकी डलर चोरेको, स्वतन्त्र तिब्बतका क्रियाकलापमा सहभागी भएको तथा चिन र तिब्बतको लागि दोहोरो सुराकी गरेको आरोप पनि छ । आरोप प्रमाणित भइसकेको नभए पनि उनका पाँच वटा आधिकारिक नामहरु सार्वजानिक भइसकेका छन् भने उनले तिन देशबाट नागरिकता लिएको प्रमाणित नहोला भन्ने सम्भावना पनि एकदमै न्यून छ यसबाट उत्पन्न चौतर्फी दवावबाट उनले राजिनामा दिएका हुन्, यो कुरामा कुनै द्धिविधा छैन । खाली द्धिविधा यो कुरामा हो कि उनले अपराध गरेका हुन् भने उनले दण्ड पाउँने हुन् कि होइनन् । हामी भर्खर लोकतान्त्रिक गणतन्त्रमा प्रवेश गरेका छौ । यसलाई संस्थागत गर्न हरेक अपराधीले सजाय पाउँनै पर्छ । राजिनामा दिनु या गराउँनु नै अन्तिम दण्ड नहोस् । पद, पैसा र शक्तिको आडमा कोही कानुनबाट बच्न नसकुन् । के उनको आरोप प्रमाणित होला ? आरोप प्रमाणित भए कारवाही होला ? तपाईको विचार के छ ? लेख्नुहोस्