एउटा जोक्स सुन्नु भएको छ ? एउटा नक्कली नोट छाप्ने मानिस रहेछ । उसले एकदिन झुक्किएर १५०० को सिंगो नोट छापेछ । अब शहरमा त थाहा पाइहाल्छन् गाउँमा गएर साट्नु प¥यो भनेर विकट गाउँमा पुगेछ । र, एउटा पसलमा साटिदिनु न है भनेर १५०० को नोट दिएको बदलामा के आएछ, थाहा छ ? पसलेले ७०० र ८०० को नोट दिएछ । त्यसपछि के भयो होला आफै सोच्नुहोस् । तर नेपालको राजनीति चै ठ्याक्कै यस्तै अवश्थामा आइपुगेको छ । एउटा श्रीपेच फाल्दा जनताले अरु २८ ओटा श्रीपेच पाएका छन् । जनतामा निराशा व्याप्त छ । कसैले भने जस्तो सयवटा मुसा भन्दा एउटा सिंहको शासन चाहने बेला भएको छ । जनतालाई सार्वभौम र शक्तिशाली भनिए पनि तिनै जनताको आवाजको सुनुवाई छैन । जनता यसो भन्छन् तर सुन्ने कसले ? आउँनुहोस्, हाम्रो समस्या हामी नै सुनौं र, छलफल गरौं ।
-प्रकाश अधिकारी-agyat30@gmail.comनेपालको लाकतान्त्रिक आन्दोलनमा हजारौंको बलिदानी, बेपत्ता एवं घाइतेहरुको संघर्षपुर्ण योगदान मार्फत श्रीपेचको अन्त्य गरिएको थियो । तर यसको मतलब एउटा श्रीपेच हटाएर २८ वटा श्रीपेच लगाउँनु भन्नु थिएन । रोग, भोक, शोक र अभावमा गुज्रिरहेका नेपालीलाई सिंगापुर अथवा स्विजरल्याण्डको आश्वासन भन्दा पनि कानुन र विधिको शासनमा चलेको नेपाल हेर्ने चाहना थियो । गरिखाने वर्गको उन्नती र समुन्नतीमा राज्यले सहयोगी भुमिका खेलेको, देशलाई तीव्रतर आर्थिक समृदितिर लगेको र स्थायी शान्ति र दरिलो कानुनको चाहना मात्र नेपाली जनताले देखेको सपना हो ।
कोही प्रधानमन्त्री बन्नु र नबन्नु जनताका लागि गौण कुरा हुन् र राष्ट्रिय अस्मिता रक्षा कुरामा होइन, व्यवहारमा उतार्नुपथ्र्यो जुन कुरामा हाम्रा नेताहरु असफल देखिए । रातो पासपोर्ट बेचेर, इमान्दार राष्ट्रसेवकलाई राजिनामा दिन बाध्य पारेर, दुई बर्षमा बनाउँछु भनेको संविधान जबरजस्त थपेको म्यादभित्र पनि नसकेर, ६ महिनामा टुंग्याउँने भनेको शान्ति प्रक्रियाहालसम्म अलपत्र पारेर नेताहरुले जनताका नाममा लुट र फुट बाहेक केहि दिएको देखिदैन ।
यो वा त्यो वहानामा म्यादभित्र संविधान बनाउँन नसक्ने नेताहरुले माफी माग्नुको सट्टा बकम्फुसे भाषणले मात्र लोकतन्त्र बलियो हुने देखिदैन । अकासिदो मुल्यवृद्धि, बढ्दो लोडसेडिङ र बिरलै पाइने तेलले देशलाई कतातिर लादैछ भन्नेबारे हाम्रा नेता किन सोच्दैनन् ? राजनीतिक समस्याको आलाप मात्रले जनताको भोको पेट भरिदैन । ओठमा हाँसो छाउँदैन । यस्तोमा जनताले विकल्प खोज्न सक्छन् । नेताहरुले समयमा नै ध्यान दिऊन् ।
संविधानसभाको म्याद थप्ने कुरा उठिरहेका बेला तपाईको मनमा के विचार आइरहेको छ, हामीसँग साट्नुहोस् ।
6 comments:
good. I think only maoist can handle this job.
यो लेखले नेपालको आन्तरिम संविधानको खिल्ली उडाएको छ । यस्ता लेखहरुले कुनै निश्चित दल या मानिसहरुलाई फाइदा त पुग्छ तर देशलाई ? लोकतन्त्रको विकल्प छैन ।
तर आलोकजी नेपालमा अपराध हटाउँन एउटा दरो शक्ति चाहिन्छ नै । जनयुद्धकालमा कति अपराधी तह लागेका थिए।
what type of discussion is this?i dont understand anything. plz do write clear articles.
yeap we want peace and development in any cost.
its not democratic. But we loves it.
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।