आम्मामा ! एकै महिनामा यत्रो बन्द !

अस्ति देखि बन्दको आवहान भएपनि बन्द हुदैन है मात्र भन्ने कसम नै खाएको छु । हेरौं कतिञ्जेल निभाउँन सक्छु । भन्नलाई त कसम भनेकै तोड्नका लागि हो भन्ने पनि उत्तिकै छन् । जति बिरोध गरेपनि आखिर बन्द बाहेक मगजमा केहि नभएकाहरुले बन्द गरेरै छाड्छन् । यीनैको मारमा परेका हामी बन्दमगजमाराहरु, बन्दमा आफैलाई बन्द गरेर बस्न बानी परेका छौं । अंग्रेजीको मे महिनामा मैले कतिपल्ट बन्द भयो भनेर रेकर्ड राखें । सूचि यति लामो भयो कि मलाई यो महिनाको अन्त्य पर्खिने इच्छा नै भएन । मात्र यति चाहना छ, कम्तिमा यो महिना चै बन्दको सूचि अब नबढोस् । तपाईलाई थाहा छ, यो महिनामा हामी कति पटक बन्द भयौं ? हेर्नुहोस् ।




मे महिनाको १ तारिखदेखि २४ तारिखसम्म ठुला बन्द यति भएः

अब त पात्रो पनि यही खालको बनाउँने बेला हुन लाग्यो ।

मे १ भरतपुर बन्द
मे २ भरतपुर बन्द
मे ४ मेचीमा यातायात बन्द
मे ५ मेचीमा यातायात बन्द
मे ६ मेचीमा यातायात बन्द र महेन्द्रनगर बन्द
मे १० उपत्यकामा यातायात बन्द
मे ११ गण्डकी, लुम्बिनी, धौलागिरि र बर्दिया बन्द
मे १२ तराई तथा कर्णाली, सुर्खेत र दैलेख बन्द
मे १३ नेपाल बन्द
मे १५ मेची राजमार्गमा यातायात बन्द, आदिवासी तथा क्षत्री समाजले १० विभिन्न शहर बन्द
मे १७ मेची, कोशी बन्द
मे २० लुम्बिनी, गण्डकी र धौलागिरि बन्द
मे २२ उपत्यका बन्द
मे २४ नेपाल बन्द
यी सबै बन्दको विवरण मैले विभिन्न समाचारका स्रोतबाट लिएको हुँ । समाचारमा नपरेका सानातिना बन्द त अझ कति भए होला ? तपाईलाई थाहा छ ? लेख्नुहोस् ।