साला ! नौटंकीलालहरु, नौटंकी देखाउँछन्

-लोकतान्त्रिक नेपाली-
कोनी के गरिसक्यो अनि दैलो देख्यो भने जस्तो नौटंकीहरु आजभोली कान्तिपुर शहरमा जताततै देख्न सकिन्छ । बर्ष दिन भरि कुम्भकर्ण निदाए जसरी निदाएका यी नौटंकीलालहरु बेला घर्किएपछि जुरुक्क उठेर आवाज बुलन्द बनाएको नाटक गर्नमा मस्त छन् । प्रस्ट थाहा हुन्छ, यीनीहरुको यो चेतना (?) संविधान बनोस् अथवा मुलुकले निकास पाओस् भन्ने भन्दा बढि अरु नै स्वार्थबाट प्रेरित भएका छन् । डलरको खेती पो हो कि ? यी नौटंकीलालहरुलाई थाहा छ, अब समय बितिसक्यो, जसैगरे पनि यो बर्ष अब संविधान बन्न सक्दैन । यसैले जनतामा आक्रोस र असन्तुष्टि अति नै धेरै छ । सहानुभुति बटुल्ने र चर्चामा आउँने यो भन्दा उत्तम समय बर्षभरि कुन चै थियो र ? अतः फेसबुक प्रयोगकर्ताको छद्म नामदेखि धमला क्लबसम्म संविधानका लागि विशेष सक्रियता देखाए झै नाटक गरिरहेछन् । के म्याद सकिन दुई हप्ता अगाडी देखि सडकमा प्लेकार्ड बोकेर चिच्याउँदा यही बर्ष संविधान जारी हुनसक्छ ? किन ल्याउँन सक्दैनन् एउटा स्पष्ट खाका ?




नेताहरुले पद र सत्तामा अभिसप्त भएर दुई बर्ष र त्यसपछि थपिएको एक बर्ष समय खेर फालेकै हुन् । जति भत्र्सना गरे पनि कम हुने स्थिती भएकै हो । तर यसमा दोष नेताहरुको मात्र पनि त होइन । हामी पनि त दोषी छौ । हामीले कहिले चै निष्पक्ष भएर संविधानको वकालत गरेका छौ र ? अहिले पनि माउ पार्टीले जे भन्यो त्यसकै लागि त वकालतमा व्यस्त छौ नि हामी । अहिले जति संविधानका बिषयमा एकबर्ष भित्र कति चासो देखायौं ?

संविधान समयमा बनेन । यो खेदजनककार्यको सुरुवात कहिले भयो हामी सबैलाई थाहा छ । हामी त्योबेला चुपचाप बसिरह्यौ । जब म्याद सकियो, अब कुनै हालतमा संविधान जारी हुन सक्दैन, भन्ने प्रस्ट भयो । हामी सडक भरि छरियौं । के गाली गरेर चै बन्छ संविधान ? के दुइ हप्ता अगाडी मात्र हो हामीले खबरदारी गर्ने ? अब संविधान समयमा जारी गर भनेर कराउँदा जेठ १४ मा जारी हुन्छ संविधान ? संविधान बनिसकेर यी नेताहरुले लुकाएका हुन् र, आजको भोली संविधान जारी गर्नलाई ?

तमाम् प्रश्नहरुले पक्कै पनि हामी अहिले जे कुरामा चिच्याउँदै छौ । त्यही कुरा माग्दैनन् । अहिले संविधान समयमा जारी गर भन्ने नारा लाउँने समय नै होइन । त्यो समय र त्यो नारा लगाउँने हक त तीन महिना अगाडी नै सकिसक्यो । नारा लगाउँने नै हो, र, देशमा संविधान छिटो चाहिने हो भने नारा लगाऔं कि संविधानसभाको म्याद थप भनेर या संविधानसभा विघटन गरि आयोगबाट संविधान देउ भनेर । संविधान समयमा जारी गर भनेको भरमा वर्तमान स्थितीको निकास सम्भव केहि गरे पनि सम्भव छैन ।



यसैले आफ्नो मगजको प्रयोग नै नगरि शक्ति खर्च गरेर गलत आवाजलाई बुलन्द नगरौं । यदि लोकतन्त्र मान्ने हो भने संविधानसभाबाट नै संविधान बन्नुपर्छ भन्ने कुरालाई बुलन्द पारौं । संविधानसभाको म्याद थप्न यो यो पुर्वाधार तयार पार भनेर बानेश्वरको संविधानसभा भवनको एउटा गेट अगाडी मात्र होइन । शहर र देश भरि नै धर्ना दिऔं । यसले मात्र निकास दिन सक्छ । व्यर्थमा समय गुज्रिसकेको औषधीको मार्केटीङ नगरौं ।

हामी लोकतन्त्रमा विश्वास गर्छो भने संविधानसभाको म्याद थपौं र, आफुलाई लोकतन्त्रको ठेकेदार सम्झिने तर लोकतन्त्रको सबैभन्दा उच्च संस्था संविधानसभा नै भंग गर्न चाहने नौटंकीलालहरुलाई देखाइदिऔं ।