असार १५-हिलो, धान र दहिच्यूराको पर्व

आज असार १५ । हामी नेपालीहरुका अनेक चाडपर्वहरु छ्यापछ्यापी छन् तर यो असार १५ यस्तो चाड हो जुन कुनै पात्रोमा खोजेर पाइदैन । कुनै शास्त्रमा पनि असार १५ मा यो गर्नु वा त्यो गर्नु भनेर उल्लेख गरेको छैन रे । तर असार १५ जहाँ सुकै मनाईन्छ । दहि चिउरा खाएर हिलोमा खेल्दै थाकेको शरिरमा नयाँ प्राण भर्न असार १५ सदिऔं देखि हामी माझमा छ असारको पन्ध्र दहीचिउरा खानू,साउनको पन्ध्र खीर भन्ने त उखानै छ नि । यसैले सक्नुहुन्छ, खेतमा पस्नुहोस् । हिलोमा लपेटिएर बाउसे गर्न र धान रोप्न साँच्चै रमाइलो हुन्छ । नत्र घरमा दहीचिउरा खाएर पनि मनाउँन सक्नुहुन्छ । विदेशमा भएकाहरुलाई भने यी तस्विरहरु छन्, हेर्नुहोस् र तपाईका अनुभव पनि सुनाउँनुहोस् । यो परिश्रम गर्ने दिन हो, अनुभव सुनाउँन अल्छि नगर्नुहोला ।