राशिफलको मसला पनि अचम्मको छ । संसारमा लगभग ७ अरब मानिसहरु छन् । राशिफल जम्मा १२ वटा । भाग लगाउँने हो भने सालाखाला ५० लाख भन्दा बढि मानिसहरुको राशि एउटै हुन्छ । यति धेरै मानिसको दैनिकीका बारेमा निकालिने औसत दैनिक राशिफलहरु बलैले एक हरफ हुन्छन् । अझ कतिपय पत्रपत्रिकाहरु त यति खर्रो र साक्षात् हुन्छन् कि जम्मा दुई शब्दका राशिफल निकालिदिन्छन् । कस्तो अचम्मको राशिफल, ५० लाख भन्दा बढिका लागि २ शब्द । यदि त्यो राशिफल मिल्ने हो भने संसारका ५० लाखभन्दा बढि मानिसहरुको दैनिकी उस्तै हुनुपर्ने हो । यो त मानिसलाई भेडाको बथान सम्झिए जस्तो भएन र ?
पुर्वाञ्चलबाट प्रकाशित हुने एकदैनिक पत्रिकाका साथीले भन्थे, बाजेले बेलामा राशिफल नपठाईदिएर कनिकनि १२ वटा राशिफल निकाले । कुनै पहिलेकै दोहोरिए कुनै फुराएँ । राशिफल कसरी निकालिन्छ भन्ने कुरालाई राष्ट्रिय दैनिक पत्रिकाका एक बरिष्ठ सम्पादकले आफ्नो उपन्यासमा पनि खुलाएका छन् । उनको उपन्यास पढ्नेले थाहा पाउँनु हुनेछ ।
कुनै पत्रिका(चलेको राष्ट्रिय दैनिक, जसले आफुलाई नेपालको सबैभन्दा बढि बिक्री हुने भनि दाबी गर्छ ।)ले पत्रिकामा अघिल्लो दिनको राशिफल हुबहु पनि निकाल्ने गर्छ । तर, उसले त्यसको माफी मागेर भोली पल्ट सच्याउँदैन । जसलाई पढ्नेले हिजो झै विश्वास गरे आज पनि पढ्लान् । उनीहरुलाई के छ र पत्याईदिन्छन् । तर जान्नुपर्ने कुरा यो हो कि राशिफल सबै पत्रिकामा निस्किए पनि तिनीहरुमा लेख्ने वा छाप्नेले पत्याउँनेले पत्याए जस्तो संवेदनशिलता देखाएका हुन्नन् । उनीहरुलाई पनि थाहा छ, राशिफलले दैनिक जीवनमा कति असर पार्छ । राशिफल त मानिसको विश्वासलाई नगदिकरण गर्ने काम मात्र हो । यसैले लेख्नेले त लेखेपछि स्वार्थ पुरा गर्छ । तर मुख्य सोच्नु पर्ने बिषय यो हो कि, सबै कुरा पहिले नै लेखिएको हुन्छ भनेर भाग्यवादी भई किन मानिसको शक्तिलाई कम आक्ने ?
6 comments:
राशिफल मेरो त मिल्छ । मलाई चै राशिफलमा विश्वास लाग्छ ।
त्यस्तै हो । हेरिन्छ पनि । विश्वास चै त्यती गरिदैन ।
राशिफल भनेको पुरै गणितिय नियमबाट आउँछ । बाटामा बसेर हात हेरेको जस्तो होइन राशिफल । जसरी देउता छन् त्यसरी नै भाग्य पनि छ । र, यो सत्य हुन्छ । कसैले मानेर नमानेर यो फरक पर्दैन ।
Yo lekhne half mind ko ho bhane padhne jo kohi pani huna sakchha tara padhera bishwas garne manchhe chhahi purai pagal ho jasto lagchha malai ta.
राशिफल हेर्ने काम त मलाई बेकार जस्तो लाग्दैन । मानिसको धेरै कुरा अझैसम्म विज्ञानले पत्ता लगाउँन सकेको छैन । जति वैज्ञानिक धारणा ल्याए पनि ति सबैका केही न केही कमजोरी छन् । यसैले राशिफल पनि वैज्ञानिक कुरा होइन । तर मिल्छ ।
आफ्नो आफ्नो विश्वासको कुरा हो । मलाई यो बारेमा त्यस्तो स्पष्ट धारणा बनाउँनु परेको छैन । मैले धेरैबेर सोच्दा पनि त्यस्तो धारणा बनाउँन सकिन ।
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।