आज चाडैचाड छन्, तपाईले कुन कुन मनाउँनु भो ?

हामी नेपालीहरु संस्कृति र परम्परामा कति धनि छौ भनेर आजको दिनलाई मात्र हेरे पनि पुग्छ । आजको दिनमा भोजपुरी र मैथिली समाजमा दिदीबहिनीले आफ्ना दाजुभाइको दीर्घायु, सुख, समृद्धि र सफल जीवनको कामना गरी हातमा कलात्मक राखी बाँधी आफ्नो रक्षाको वचन लिने गर्छन्। त्यस्तै नेवार समुदायमा आजको दिनलाई  गुन्हु पुन्हीका रुपमा मनाउने प्रचलन रहिआएको छ । आजको दिनमा विभिन्न नौथरी गेडागुडी भिजाएर बनाइएको विशेष क्वाँटी खाने गरिन्छ । सानो र ठूलो केराउ, चना, भटमास, सिमी, मस्याङ, बोडी, मुँग र गुराँस मिसाएर क्वाँटी तयार गरिन्छ । यस्तै नेवार समूदायले आफ्नो खेतमा गएर भ्यागुतालाई पुजा गरी भात खुवाउने गर्दछन् । अनि,  वैदिक विधिअनुरुप जप, तप र पूजा गरी मन्त्रिएको रक्षाबन्धन (डोरो) मन्त्र पढ्दै ब्राह्मणले यजमानको नाडीमा डोरो बाँधेर पनि हिन्दुहरुले आजको चाड मनाउँछन् । यी सबै चाडहरुको जे जे अर्थ भएपनि यस्ता चाडहरुले समाजमा सहिष्णुता बढाउँने कुरामा भने कुनै दुईमत छैन । यसैले आजभोली यी चाडहरु कुनै एक वर्ग तथा समूदाय बिशेष मात्र मनाईदैन । सबै चाडपर्व सबै जातजाती र समूदायमा मनाइन्छन् । तपाईले भने आज कुन कुन चाड मनाउँनु भयो ? मज्जाको प्रतिक्रिया लेख्नुहोस् है ।