बधाई छ बाबुराम कमरेड, आशा खेर नजाओस्

माओवादीका नेता बाबुराम भट्टराई नेपालको ३५ औं र गणतन्त्र नेपालको चौथो प्रधानमन्त्री बनेका छन् । प्रतिद्धन्द्धी कांग्रेसका नेता रामचन्द्र पौडेललाई हराएर उनी प्रधानमन्त्रीमा निर्वाचित भएका हुन् । भट्टराईले ३४० मत ल्याएका थिए भने पौडेलले २३५ मत मात्र ल्याए ।

फोटो साभार कान्तिपुर

जीवनमा सँधै प्रथम र सफल रहेका भनिने डा. बाबुराम भट्टराई प्रधानमन्त्रीको निर्वाचनमा पनि प्रथम भएका छन् । अहिले उनको जितसँग खुसी मनाऔं । अफ्ठ्याराहरु पक्कै छन् । तर अहिलेलाई यो ब्लगमा यतिमात्र भनौं, बधाई छ कमरेड, तपाईमार्फत नेपाली जनताले देखेका सपनाहरु र आशाहरु खेर नजाउँन् । तपाईको कार्यकालको असिम सफलताको शुभकामना ।

होस् गरेर पाईला चाल्नु होला
बाबुरामजी तपाई नेपालको प्रधानमन्त्री हुनु भएको छ, यो पदको मान राख्नु होला । तपाईको कार्यकाल पछि प्रधानमन्त्रीलाई हेरिने दृष्टिकोणमा आमुल परिवर्तन होला भन्ने आशा गरेको छैन । तर नेपाली नागरिक भएको नाताले यति भन्छु, तपाईले चाहनु भयो भने धेरै कुरा परिवर्तन भने पक्कै गर्न सक्नुहुनेछ । नडराई अगाडी बढ्नुहोस्, तपाईका सकारात्मक काममा हामी जस्ता युवाहरु सँधै साथसाथ हुनेछौ । तर याद राख्नुहोस्, तपाईको राजनीतिक पृष्ठभुमी फरक छ, तपाईको आगमनको कारण फरक छ । यो भिन्नता तपाईका लागि चुनौति र अवसर दुबै हो । आफुलाई प्रमाणित गर्नुहोस् । तपाई आफै जानकार हुनुहुन्छ तर पनि मेरा केही सुझावहरु यस्ता छन्, कतैबाट तपाईसँग पुग्यो भने याद गर्नुहोला

१) मैले भनिसकेँ तपाईको राजनीतिक पृष्ठभुमी फरक छ । यसैले एक्कासी तपाईमा परिवर्तन देखियो भने तपाईमाथि धेरै कुरा हावी हुन सक्छन् । पार्टी भित्रैबाट बिरोध हुन सक्छ ।


२) तपाईमाथि लाग्ने गरेको भारत समर्थकको आरोपको कारण पनि भारतसँगको सम्बन्धमा तपाईले विशेष चनाखो हुनु पर्ने छ ।


३) तपाई एक्लोले जति गर्न सक्ने आशा गरिन्छ, तपाईलाई समर्थन गर्नेहरुको त्यति नै अविश्वास पनि । पदका लागि जे गर्न तयार मधेसवादीदलहरुका कतिपय नेताहरु तपाई माथि हावी हुन नपाउँन् ।


४) तपाईको विगत हेर्दा केही भावनामा बगेको आँकलनमा पुग्ने गर्छु । मिडियाले उचालेको भरमा प्रधानमन्त्री पदका लागि लालायित हुनु भएको हो कि झै लाग्छ । यसैले भावनामा अंकुश लगाउँनुहोला । महत्वकाक्षी हुनु भएमा पछि अफ्ठ्यारो पर्न सक्छ ।


५) माथि भने झै मिडियामा देखिने कुराको पछि नलाग्नु भए हुन्छ । तपाईको राजनीतिक पृष्ठभुमी फरक छ । राजनीतिक सिद्धान्त फरक छ । यसमा तपाईका बिरोधी पनि उत्तिकै सजग हुन्छन् । मनदेखिको तारिफ र मुखको सतही तारिफको फरक पत्ता लगाउँनुहोला । नत्र सुरुमा खुब तारिफ गरेर सहयोग गरे झै गर्ने अनि पछि माथि पु¥याएर गल्र्याम्म लडाउँने प्रवृतिको सिकार हुनु होला । (प्रचण्डलाई पनि धेरै हदसम्म यस्तै गरिएको थियो ।)


६) पार्टीका मुद्धालाई नै प्रमुखता नदिनु होला ।


७) पार्टीका मुद्धालाई नछोड्नु होला ।