यस्ता रहेछन् हिजो गोली हान्नेहरु, हेर्नुस् त चिन्नुहुन्छ कि !

हिजो काठमाण्डौको घण्टाघर नजिकै इस्लामी संघका महासचिव फैजन अहमदलाई गोली हानेर हत्या गरिएको थियो । प्रत्यक्षदर्शीका अनुसार हत्याराहरु दुई जना थिए । आज महानगरीय प्रहरी अपराध महाशाखाले ति दुबैजना  हत्याराहरुको स्केच सार्वजनिक गरेको छ । तस्विर दायाँ तिर हेर्नुहोस्, विस्तृत थाहा पाउँन भित्र आउँनुहोस् । कतै चिन्नु हुन्छ कि !

विवरणमा भए अनुसार मिति २०६८।०६।०९ गते अं १४:०० बजेको समयमा का.म.पा.३१ घण्टाघर अगाडी जि.सुनसरी भोक्राहा घर भई का.म.पा. म्हेपी डेरा गरी बस्ने इस्लामिक संघ नेपालको महासचिव वर्ष ४१ को फैजान अहमदलाई अपरिचित २ जना व्यक्तिहरुले गोलीहानी घाइते बनाएकोमा तत्काल वीर अस्पताल लगि उपचार हुँदा हुदै मृत्यु भएको।


पहिलो अभियुक्त
उमेर :- अन्दाजी ३० बर्ष
पातलो शरीर, अन्दाजी ५ फुट ७ इन्च, कपाल आर्मीकट काटेको, खैरो क्याप लगाएका, पुलिस आर्मीले प्रयोग गर्ने जस्तो बुट लगाएको तर बुटमा टल्काउने नोख नभई सादा भएको, खैरो पेन्ट, नीलो रङको तर हल्का नीलो २ पीस रेनकोट लगाएको ।

दोस्रो अभियुक्त
उमेर :- अन्दाजी ३० बर्ष
पातलो शरीर, उचाई ५ फुट ८ इन्च, शारीरीक रुपले सुगठित , कपाल आर्मीकट काटेको,खैरो क्याप लगाएका, पुलिस आर्मीले प्रयोग गर्ने जस्तो बुट लगाएको तर बुटमा टल्काउने नोख नभई सादा भएको, २ पीस रेनकोट लगाएको, अनुहार गोलो र फ्रेन्च कट दारी पालेको।