ब्रिटिस म्युजियमले भन्यो, 'हामीले कहाँ भन्यौ बुद्ध भारतमा जन्मिएका हुन्, देखाई देउ ।'

ब्रिटिस म्युजियमले म्युजियमको ‘द डिपार्टमेन्ट अफ एसिया’ कक्ष अन्तर्गत ‘द लाइफ अफ द वुद्ध’ शीर्षकमा टांगिएको दस्तावेजमा वुद्धिज्मलाई भारतको धर्म अन्तर्गत राख्दै ‘वुद्धको जीवनी शुरुवात गर्दा उहाँ छैंटौं शताव्दीको मध्यतिर उत्तर पूर्वी भारतमा एक शाही परिवारमा जन्मिनुभएको हो’ भन्ने सन्देश दिएको छ भन्ने समाचार सार्वजनिक भएपछि पहिलो पटक उसले सो सन्देशका बारेमा मुख खोलेको छ । सो म्युजियमको फेसबुक पेजमा नेपालीहरुको प्रतिक्रियालाई जवाफ फर्काउँदै यही शुक्रबार उसले मुख खोलेको हो ।

उसले फेसबुकको पेज मार्फत भनेको छ, 'बुद्ध नेपालमा जन्मिएका हुन् । हामीले कुन ठाउँमा बुद्ध भारतमा जन्मिएको भनेर लेखेका छौ, देखाई दिनुहोला ।' तर सो जवाफमा पनि उसले नेपालमा नै बुद्ध जन्मिएका हुन् भनेर सोझो रुपमा भने लेखेको छैन । उसले सो सन्देश सच्याएको पनि छैन । ब्रिटिस म्युजियमलाई सायद थप दबाबको आवश्यकता छ । ब्रिटिस म्युजियमले दिएको जवाफ पढ्न भित्र आउँनुहोस्

उसले फेसबुकको आफ्नो पेजमा यस्तो पोस्ट राखेको छ 

म्युजियमको फेसबुक पेजमा आफुहरुले बुद्ध भारतमा जन्मिएको नभनेको बताईएको छ । उसले भनेको छ, बुद्धको जन्म भारतको पुर्व उत्तरमा पर्ने सानो राज्यमा ईशापुर्व ५०० तिर भएको हो । परिवारको निर्णय अनुसार बुद्धकी आमाले बच्चा जन्माउँन पहाड तिर जाँदै गर्दा लुम्बिनीमा बच्चा जन्माएकी हुन् । लुम्बिनी भारतको सिमानाभन्दा २० माईल बाहिर नेपालमा पर्छ ।

उसले आफुहरुले गल्ती गरेको थाहा नपाएको बताउँदै भनेको छ, हामीले बुद्ध नेपालमा जन्मिएको भनेर कहाँ भन्यौ अथवा लेख्यौं, देखाईदिनु होला । हामी हेर्नेछौ ।

म्युजियमले फेसबुकमार्फत बुद्ध नेपालमा जन्मिएको बताए पनि उसले म्युजियममा भने प्रस्ट सन्देश राखेको छैन । नेपाल, जुन देश भौगोलिक सम्पदाका कारणले विश्वभर परिचित छ, सो देशलाई चिनाउँन छिमेकी देशलाई उभ्याउँनु अनि नेपालको भने नामसम्म नराख्नु पक्कै पनि नेपालप्रति सम्मान गरिएको होइन ।

यसैले देखाईदिउँ हामी नेपाली कति सचेत छौ । सभ्य भाषामा म्युजियमको फेसबुक पेजमा गएर प्रतिक्रिया लेखौं । जसलाई अंग्रेजीमा लेख्न आउँदैन, उसले नेपालीमा लेखौं र अर्का साथीले तत्काल अंग्रेजीमा उल्था गरेर फेरि पोस्ट गरिदिउँ ।

ब्रिटिस म्युजियमको फेसबुक पेजमा जान तल क्लिक गर्नुहोला ।

http://www.facebook.com/britishmuseum

ब्रिटिस म्युजियममा यस्तो टिपोट छ रे

गुगलले पनि सुरुमा बुद्धको जन्मस्थल भारतमा देखाउँथ्यो तर पछि सुधारेर नेपाल बुद्धको जन्मस्थल नेपाल नै देखाउँन थालेको छ ।