सरकारी छाप दुरुपयोग गरेकोमा चौधरी समूहले माफी माग्यो

सीजी ग्रुपले पठाएको निमन्त्रणा कार्डको आवरण

सरकारी दस्तखत र लिखित अनुमती बिना कसैले पनि सरकारी छाप, लोगो तथा छायाँ प्रयोग गर्न पाउँदैन । तर सीजी इन्टरनेटमेन्टले आफुले बनाउँन लागेको एक चलचित्रको जानकारी दिन बाँडिएको निमन्त्रणा पत्रमा सरकारी छापको प्रयोग गरेकोले विवाद बढेको थियो । उसले बाडेको निमन्त्रणामा सरकारी छाप सहितको पासपोर्ट छ । (तस्विर हेर्नुहोस् ।) यस्तो दुरुपयोगमा प्रतिलिपीको मुद्दामात्र होइन, किर्तेको मुद्दा पनि लाग्न सक्छ ।

तर सीजी इन्टरनेटमेन्टले आज दिउँसो पत्रकार सम्मेलन गरी यस्तो दुरुपयोग अन्जानबश भएको भन्दै आफ्नो गल्तिमा माफी मागेको छ । उसले गृह तथा अर्थ मन्त्रालय अनि चलचित्र विकाश बोर्डसँग पनि मौखिक माफी मागेको बताएको छ ।



समूहले गल्ति भयो भनेर माफी मागेको बताए पनि सोही फिल्मकी अभिनेत्री तथा सहनिर्माता ऋचा शर्माले भने यो काम नियम बुझेरै गरिएको बताएको नागरिकन्युजले लेखेको छ ।

नागरिकन्युजमा लेखिएको छ, फिल्मकी अभिनेत्री तथा सहनिर्माता ऋचा शर्मा भने राहदानीको सम्मान सहितको सिर्जनशील काम गरेको दाबी गर्छिन्। यो विवादपछि कार्डमा 'वन्ली फर प्रोमोसनल युज' भन्नु पर्थ्यो कि भन्ने महसुस गरेकी ऋचाले नौलो काम गर्दा विवादमा परेको बताइन्। 'मिडियाबाहेक अरू निकायबाट गलत काम गरेको भनिएको छैन, हामीले नियम बुझेरै यसो गरेका हौं,' उनले भनिन्, 'हामीले पासपोर्ट बेचेको हैन, दुरुपयोग गरेको हैन, डिजाइनरले ल्याएको प्रस्ताव राम्रो लाग्यो, एउटा फरक प्रयोग गर्‍र्यौं।'