भत्किने भए काठमाण्डौमा नियम मिचेर बनाईएका घरहरु (केही नमुना तस्विर हेर्नुहोस्)
'सबै नेपालीको रहर राजधानीमा एउटा घर', केही समय अगाडी एउटा विज्ञापनले यो वाक्य नाराको रुपमा प्रयोग गरेको थियो । र, यसमा वास्तविकता छ पनि । राजधानीमा बनेका एक आने र दुई आने अग्ला घरहरु देख्दा लाग्छ, मानिसहरुलाई जस्तो र जसरी भएपनि काठमाण्डौमा एउटा घरको सपनालाई साकार पार्नुछ । कमजोर कानुनी निरिक्षण र भ्रष्टाचारले गर्दा यस्ता साना अग्ला र भत्किन लागेका खण्डहरजस्ता घरहरुले काठमाण्डौको सौन्दर्यमात्र बिगारेका छैनन् । ठुलो जनधनको क्षतिको जोखिम पनि बढाईरहेका छन् । महानगरका अनुसार हाल महानगर क्षेत्रमा करिब १ लाख ९० हजार घर रहेका र ती मध्ये ८० प्रतिशत अनधिकृत रहेका छन् । यसैले यही असार २६ गते जारी भएको काठमाण्डौ घोषणापत्रको कार्यान्वयन गर्दै महानगरपालिकाले आज देखि यस्ता घरहरु भत्काउँन सुरु गरेको छ । यस्ता घरका केही नमुनाहरुको तस्विर हेर्नुहोस् ।
यी घरहरुले निम्त्याउँने जेखिमका बारेमा थप कुराहरु भनिरहन केही आवश्यकता छैन, यी तस्विरहरुले आफै आफै बोलरहेछन् । होइन त !
13 comments:
काठमाण्डौं एउटा ऐतिहासिक शहर हो । यसको गरिमा र सुन्दरता हेर्न संसारबाट मानिसहरु आउँछन् । यसैले यसको सुन्दरता र गरिमा कायम गर्न यस्ता कदमहरु अपरिहार्य हुन्छन् । महानगरपालिकाको कदम प्रति नैतिक समर्थन ।
भनेपछि काठमाण्डौ अलिक चंगा देखिने भयो होइन त ? लौ बधाई छ ।
पुराना घरहरु भत्काएपछि ति घरबाट जिविका चलाउँनेको हकमा के हुने ? तिनीहरुले क्षतिपूर्ति कति पाउँछन् ? यो तर्फ पनि ध्यान जाओस् । ति पनि नेपाली नागरिक हुन् ।
राम्रो काम ।
फोटो कुन कुन साइटबाट चोरेको हो त्यो पनि लेखे राम्रो हुन्थ्यो कि अर्काको मेहनतलाई यत्तिकै चोरेर मोज नगरौँ न
ठमेल, असन र भक्तपुरका घरहरु त ९० प्रतिशत भत्किन्छन् होला । त्यहाँ त बाटोमा हिड्दा घर देखियो भने पनि डर लाग्छ, अहिले लडेर किच्ला भनेर ।
के कसले बिरोध गर्छ अनि बन्द भइहाल्छ । बिचरा सुरुमा जसको घर लड्छ त्यसको मात्र बेहाल हुने भयो । कि पुरा गर्नु पर्छ यो अभियान, होइन भने सुरु नै गर्न हुन्न ।
परिणाम अवश्य राम्रो आउँछ ।
सही काम हो । जसको घर लड्छ, तिनीहरुलाई के को क्षतिपूर्ति ? कानुन मिच्दा पनि क्षतिपूर्ति दिनु पर्छ ?
लडाउला र ? मलाई त विश्वास नै छैन ।
अब नगरपालीकाका कर्मचारीले कमाउँने भए । यति पैसा दे नत्र तेरो घरमा डोजर चलाइदिउँला भन्दै । धन्य छ नियम बनाउँने मानिस ।
तस्विरहरु प्रतिनिधिमुलक छन् ।
@Anonymous
लुकेर नै भएपनि प्रतिक्रिया दिनु भएकोमा धन्यवाद । । तपाईहरुको सकारात्मक प्रतिक्रिया मेरो लागि सँधै मार्गदर्शक बन्ने छ । यो लेखमा प्रयोग भएका धेरै तस्विरहरु मैले गुगल गरेर प्राप्त गरेका हुन् । स्रोत नखुलाएकोमा माफी चाहान्छु । अबका दिनहरुमा सकेसम्म स्रोतको प्रयोग गर्नेछु । फेरि पनि सुझाबका लागि धन्यवाद दिदै । थप सकारात्मक सुझाबको अपेक्षा गर्दछु ।
Post a Comment
कृपया कमेन्ट बक्समा कमेन्ट लेख्नुहोस । select profile मा click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस है । भएन भने फेरि submit post.
तपाईको कमेन्ट sent भए "Your comment will be visible after approval." देखिनेछ ।