अनि, दशैँ कस्तो भयो ?

दशैँ सकिसक्यो । अब त दशैँका लागि बिदा लिएर घर तिर या घुम्न तिर लाग्नु भएकाहरु  पनि पुरानै रुटिनमा फर्किसक्नु भईसक्यो होला । यसैले सोध्दै छु, दशैँ कस्तो भयो ? मेरो सोध्नु हुन्छ भने दशैँ नै चाँही रमाईलो भयो । घर गईयो । टिका लगाईयो । भेटघाट । मज्जा भयो । तर घर जाँदाको अनुभव भने निकै मन नपर्दो भयो । काठमाण्डौँबाट अष्टमीको दिन बिहानको ६ बजे हिडेको गाडी हेटौडा पुग्दैमा रातको ९ बजेको थियो । गाडी बाटोमा बिग्रेर १० घण्टा जति जंगल रुँगेर बसियो । १० घण्टामा घर पुग्नु पर्ने लाग्यो लगभग २८ घण्टा । गाडी शहर तथा चोकमा बिग्रेको भएपनि केही सहज हुन्थ्यो । तर बिग्रियो जंगलको बिचमा । अष्टमीको दिनमा भनेजति पानीसम्म नपिएर बस्नु पर्‍यो । हामी ठुलालाई त निकै गार्‍हो भयो भने साना केटाकेटीहरुको त झन् कुरै नगरौँ । बिचराहरु अर्काले पानी पिएको पनि लोभिएर हेर्ने भईसकेका थिए । बल्ल बल्ल हेटौडा पुगेर यसो केही खान भने पाईयो ।

तर बाटोमा जति पिडा भएपनि सबैको ब्याजसहित असुल भयो घरमा । घरको रमाईलोले बाटोको पिरलो सबै पछाडी पारिदियो । परिवारको माया, आत्मियता अनि स्नेहले सबै दुख भुलाईदियो । यसैले निष्कर्षमा यसपालीको दशैँ पनि खुब रमाईलो भयो । फेरि पनि सोध्दैछु, बरु तपाईको कस्तो भयो ? कुनै नयाँ अनुभव भयो कि ? अल्छि नगरिकन लेख्नुहोस् है । तपाईलाई दशैँको रमाईलोको कसम ।