छ्या ! यस्तो पो खाँदा रै'छौ

आज एकजना साथीले यो फोटो मलाई ट्याग गरिदिएछ । कसले कहाँबाट खिचेको हो, थाहा भएन । फोटो हेरेर क्याप्सन पढ्ने बित्तिकै अस्ति देखि स्वाद मानी मानी खाएका बफ मम, चाउमिन, थुक्पा आदि भैसे परिकार प्रति दिङ्दिङ् लागेर आयो । हामीले खाने खाद्यपदार्थमा कति मिसावट छ भन्ने त दशैँ अगाडी छर्लङ्ग भएको थियो । आज यो फोटो हेरे पछि आफु प्रति झन् दया लागेर आयो । यस्ता थाहा पाउँदा पाउँदै चुप लागेर यसकै परिकार खाने हामी कस्ता ? छ्या !

तपाईलाई यो फोटो हेरे पछि कस्तो लाग्यो । यदि यसलाई रोक्नु पर्छ भन्ने लाग्छ भने एक पटक अल्छि नगरी प्रधानमन्त्रीज्युले चौबिसै घण्टा गुनासो सुन्न भनेर सुरु गरेको सेवा हेलो सरकारको इमेल 1111@opmcm.gov.np मा इमेल वा फोन नम्बर 1111 मा एक कल फोन गरेर प्रधानमन्त्रीज्यु हामी त यस्तो पो खाँदा रैछौ भन्ने हो कि ! के को खाँचो मलाई भनेर तर्किनु भयो भने त कुरै सिद्धियो तर सचेत भएर गुनासो गर्नु भयो भने जानकारीका लागि तलको कमेन्ट बक्समा गरेको गुनासोको बारेमा जानकारी दिनु है ।