कालिमाटी तरकारी बजारमा भिषण आगलागी

करिब १२:१५ बजे : आगो लगभग नियन्त्रणमा आयो । केही बेर अघि भेटिएकी घाइते महिलालाई छाउनी अस्पताल लगिएको प्रहरीले बतायो ।

करिब १२:१० बजे : पानी सकिएर फर्किएको एक दमकल घटनास्थल आइपुग्यो ।

करिब १२:५ बजे : एक जना महिला आगोमा जलेर घाइते भएको अवश्थामा भेटिएर अस्पताल लगिएको । प्रहरीबाट पुष्टि भएको छैन ।

करिब १२ बजे : दुर्घटनास्थलमा जम्मा भएका पाँच दमकल मध्ये अहिले एउटा मात्र दमकल घटनास्थलमा रहेको छ । पानीको अभाव भनेर अरु दमकल फर्किसकेका छन् । ९० प्रतिशत नियन्त्रणमा आएको भनिएको आगो अहिले केहि बढेको अनुभव हुन्छ । आगो नियन्त्रणमा लिन नेपाली सेना, शसस्त्र प्रहरी र प्रहरीले ग्यासको प्रयोग गरिरहेका छन् ।

तरकारी बजारमा आगो लाग्दाको अबस्था (तस्विर : एभिन्युज टिभी)

काठमाण्डौको कालिमाटी फलफूल तथा तरकारी बजारमा आज राती करिब १० बजेतिर एक्कासी तरकारी बजारको मुख्य घरमा आगलागी भएको छ । अहिले यो ब्लग लेख्दा (समय रातको ११:३० मा) पनि आगो नियन्त्रणमा आइसकेको छैन । उपत्यकाका सबै दमकल घटनास्थलमा जम्मा भएका छन् । अहिले सम्म कुनै मानविय हताहती भएको जानकारीमा आएको छैन ।

कसरी लागेको थियो आगो ?
आगलागीको वास्तविक कारण खुल्न सकेको छैन । तर प्रहरीले जनाए अनुसार विद्युत सर्ट भएर आगो लागेको हुन सक्छ ।

दुर्भाग्य ! आगलागीमा परेर ६ जनाको मृत्यु
आगलागीमा परेर मृत्यु हुनेमा दाङ घर भइ कालिमाटीमा तरकारी व्यापार गर्दै आएका हिराबहादुर पुन, उनका छोरा निराजन छोरी लिला पुन रहेका छन् । मृतक पुनकी श्रीमतीको भने गम्भिर अवश्थामा छाउनीमा उपचार भइरहेको छ । अन्य तिनको भने सनाखत हुन सकेको छैन ।