चौथो दिन देखि सुरु गरिन् सभासदले एसएलसी

यसपालीको एसएलसी परिक्षामा सहभागी भएकी एमालेकी सभासद किरणदेवी यादव चौथो दिन देखि मात्र परिक्षामा सामेल भएकी छन् । उनी हिजो एमालेका कार्यकर्ताको दलबल लिएर बरहथवा परिक्षा केन्द्र, सर्लाही पुगेकी हुन् । तिन दिनसम्म लगातार अनुपस्थित यादव चौथो दिन भने परिक्षा दिन गईन् । परिक्षामा पास हुन सबै बिषयमा पास हुनु पर्छ भन्ने सामान्य ज्ञान सम्म उनमा नभएको देखिन्छ । तर नेपालको कानुन न हो, पछि नतिजा आउँदा उनी पास भएको आयो भने पनि अचम्म नमाने हुन्छ । आफ्नै सभासदले कानुन तोडेर बलमिच्याई गरिरहदा पनि एमाले भने मौनता साँधेर बसेको छ । एमालेले बोली बन्द गरेको छ भन्दैमा हामी किन आफ्नो बोली बन्द गर्ने ? जति तितो छ मनमा, यहाँ पोख्नुहोस् ।


बरथवा परिक्षा केन्द्रमा आइतबार सभासद किरणदेवी यादवको नाममा परिक्षा दिन आएकी एक युवती सोधखोजको क्रममा भागे पछि यो खुलासा भएको बताइएको छ । प्रवेश पत्रको फोटोकपी बोकेर आएकी ति युवतीलाई सक्कली प्रवेश पत्र ल्याउँन भने पछि उनी भागेकी थिइन् । ति युवती उनकै छोरी भएकी स्थानियहरुले बताएका थिए । सभासद पुत्री स्नातक अध्ययनरत छिन् । केन्द्रमा पक्राउ परेकी सभासदकी छोरीलाई परिचय पछि केन्द्राध्यक्षले छोडिदिएको आरोपमा केन्द्राध्यक्ष राजकुमार ठाकुरलाई जिम्मेवारीबाट बर्खास्त गरिसकेको छ ।

तर अकस्मात हिजो सभासद यादव केन्द्रमा पुगेर परिक्षा दिएकी थिइन् । यो कानुनी राज्य उपहास हुँदा पनि उनको माउ पाटी मौन रहनुले ठुला र आफ्नाले जे गरे पनि हुने सन्देश दिएको छ । के यस्तै सन्देश दिन चाहन्छ नेकपा एमाले । आफुलाई लोकतान्त्रिक र कानुनी राज्यको ठुलो पक्षधर बताउँने एमालेको यस्तो कदम स्वयम् उसकै लागि प्रत्युदपादक बन्ने छ । हाम्रो त के छ ? सहेकै हौं । यो पनि सहिदिउँला ।